[Mr.x]

وأنا عم بحبش على شغلات معتة بالفيس بوك....لقيت هدول الأبطال اللي كانوا قدوتنا بالابتدائي....أيام ما كنا شافني شي من الدنيا غير القناتين الأولى والتانية وكتب المدرسة وأيام ماكان الموز يجي تهريب من لبنان....وأيام ما كانت كل العالم تلبس نفس اللبس....وكانت كل الناس بتشبه بعضها..وأيام ماكان في جيل للشعر...كل العالم نفس التسريحة تمشط شعرها على جنب...والبنات كلهم شعرهم منفوش...واذا وحدة كتير عالموضة وسبور...بتكون عاملة غرة من قدام .......وأيام ما كانت الحلوة تبين أنها حلوة ...واللي مانها حلوة تكون رايحة عليها لأنو ماكنت الال بي سي وقتها...وماكانوا يعرفوا يزبطوا حالهم باللبس أو بالمكياج أو بتسريحات الشعر...عكس هلأ تماما....سبقنا الام تي في والال بي سي ...وأيام وأيام.....أيام ماكان حدا شايف شي...




أول شي هاي العيلة المثالية النموذجية....الأب الحنون..الأم الحبابي العطوفة والمبتسمة..الأولاد المهذبين الحبابين واللي بيرجعوا بيدرسوا فورا بعد المدرسة....كلو مثالي بمثالي...





باسم ورباب...أشهر من نار على علم...










مازن وميسون...أبطال ثانويين بيجو بعد باسم ورباب بالأهمية...





عند زيارة آسنتهم المريضة







صباح الخير يا أمي






يمكن كان هادا الغلاف تبع الكتاب اذا ما خاب ظني...







وقت أطلقوا العصفور من القفص نحو الحرية...






حفلة المدرسة..






يوم الجيش....






وأكيد الكل بيتذكر قصة حجا وقت نسي يعد الحمار اللي راكب عليه....








وحاليا في عدة قصص وروايات حول مصير باسم ورباب....عالم بتقول أنو باسم وصل للسادس ونزل عالصناعة اشتغل مع أبوه....وعالم بتقول أنو لأ...هوي وصل للتاسع بس ما قدمها ....ونزل اشتغل بالسوق عند خاله.....أما رباب فكانت أشطر من أخوها....وأخدت التاسع....بس اجى نصيبها وهيي صف حادي عشر....واتجوزت عالغربة يا خطيتها.....وهلأ صار عندها تلات ولاد...صبيين وبنت......

ميسون ومازن ماحدا بيعرف عنهم شي....لأنو ماكانوا كتير يطلعوا ويفوتوا مع باسم ورباب بعد صف الخامس....لأنو فصلوا الشعب عن بعضها بسبب أنو طلعت لغتهم فرنسي نتيجة القرعة اللي كانت تصير بصف الخامس...أما باسم ورباب وقتها فورا فاتوا بشعبة الانكليزي....لأنو كان أبوهم مدري أمهم آنسة....وهدول كانوا فورا يدخلوا بشعبة الانحليزي بدون سحبة أو قرعة....

[زهرة البنفسج]

يالطيف أيااااااااام وكنت حس الوظيفة طوووووووويلة وما بتخلص وقت الأنسة تحط الأحرف ولازم اكتب الحرف لاخر الصفحة وسطر اي وسطر لاء

ودفتر نهاري ودفتر ليلي ... ودفتر املا بيبقى مع الأنسة ودفتر فحوصة كمان

ودائما عشرات

[بائعة الكستناء]

الله يرحم ايامن وأيام رامز وريم هلأ صار بالمنهاج الجديد اديب ومدري مين

[الماس ولولي]

انو ضروري تحسسنا قديش كبرنا يعني؟
بس والله بتزكر انو كنت قول لامي شوفي أم باسم ورباب شلون دائما مروءة ومابتعيط على ولادا

قلتولي المنهاج الجديد صار فيه أديب؟ يالطيف

[Shell]

هههههههههههههههههه ارحمنا شوي ليكو حفلة المدرسة ويوم الجيش وزيارة الانسة المريضة يستر عرضك صوتي وصل للطريق

[طويل الشوق]

لسه مع المناهج القادمة جاي طوني ونانسي
واللبس لفوق الركبة
واغاني بدل الاناشيد

[أبـــ عمـــار ـــو]

الموضوع حلو كتير رجعتنا لذكريات قديمة ولو بتقدر تحط قصة الأرنب والزلحفي ياريت تحطا..

بس الأحلى من الصور أسلوب طرح الموضوع.. عنجد روعة أحييك يا مستر إكس

[Super-NAN]

ايييه يازمن .. كان اكبر همنا ماناخد وسط ..


وهي بعض الاناشيد جمعناها من النت ..

ماما ماما يا أنغاما
تملأ قلبي بندى الحب
أنت نشيدي عيدك عيدي
بسمة أمي
سر وجودي
أنا عصفور ملأ الدار
قبلة ماما ضوء نهاري
أفتح عيني
عند الفجر
فأرى ماما
تمسح شعري
أهوى ماما
أفدي ماما
======
الأرنب

قفز الأرنب خاف الأرنب
كنت قريباً منه ألعب
أبيض أبيض مثل النور
يعدو في البستان يدور
يبحث عن ورقات خضر
يخطفها كالبرق ويجري
يا موجاً من فرو ناعم
فوق العشب الأخضر عائم
لا تهرب مني يا أرنب
أنت رفيقي هيا نلعب
======
الرسام الصغير

أرسم ماما
أرسم بابا
بالألوان
أرسم علمي
فوق القمم
أنا فنان
***
أنا صياد اللون الساحر
أرض بلادي كنز مناظر
دعنى أرسم
ضوء النجم
دعنى أرسم
لون الكرم
اكتب شعراً
بالألوان
أحيا حراً
أنا فنان .
====
عمي منصور نجار

عمي منصور نجار
يضحك في يده المنشار
قلت لعمي
عندي لعبه
اصنع لي بيتا للعبه
هز الراس وقال
انا اهوى الاطفال
بعد قليل
عدت اليه
شيئاً حلواً
بين يديه
سواه عمي منصور
احلى من بيت العصفور
=====
لعبتي ..

سميتها مهى
قلبي يحبها

سمراء لعبتي
تفهم همزتي

ألبستها الحرير
فأوشكت تطير

بثوبها الجميل
و شعرها الطويل

أحب لعبتي
أحب لعبتي
=======

بابا بابا يومك طابا
دمت ربيعاً دمت شبابا
لي و لأجل الوطن الغالي
يعمل بابا دون كلال
بابا يعمل حتى نكبر
نبني نحن الوطن الأكبر
وطن الاكبر وطن العربي
لن نستسلم للمغتصبي
بابا بابا يومك طابا

سليمان العيسى
بياع الكوسا


اهم شي الخاتمة ..

[SILENT]

هههههههههه
ملعوبة يسلمو سوبرناون
...
مستر إكس

اقتباس

والبنات كلهم شعرهم منفوش...واذا وحدة كتير عالموضة وسبور...بتكون عاملة غرة من قدام

ما شاء الله ..... من صغرك مفتح و بتعرف هالشغلات

[Mr.x]

اينو شغلات يا زلمي...تعا شوف الولاد هالأيام...ما بنطلع نقطة ببحرهم....كمان من قبل كان أسهل...كلهم أربع خمس ستايلات كنت تشوفهم....بس هلأ بدون مبالغة صارت عروض أزياء...وكلو عما يعرف يزبط ويشكلس....على آخر طرز....

أبو عمار ...لازم شوي نمهد فكريا لهديك المرحلة...لأنو الصور بتلخص تاريخ كامل لمرحلة كاملة...كل صورة من هدول الها حكاية لحالها بعقل كل شخص....يعني أنا مثلا فورا ببنط لراسي مدرسة الفيحاء والذكريات فيها....لأنو الولد الصغير بهالعمر بيكون مفتح مخه عشرة على عشره...وبيغب كل شي بينقال قدامه بسرعة....وبيكون مشغل كل حواسه...ونحنا تربينا على باسم ورباب......فكل شي مقترن فيهم...

بس مين هادا أديب...

على سيرة عيد الجيش....اليوم 1 آب عيد الجيش...كل عام وجيشنا ومقاتلينا بخير وسلام....

[حمصية آه يانيالي]

عنجد الله يرحم هديك الأيام

طفولة بريئة

شكرا ع الموضوع وع الأناشيد

[حفيدة الحماصنة]

ههههه والله انا رباب كانت قدوتي بالحياة لصف الحادي عشر بس بما انها تجوزت ع الغربة وقتها قررت دور على قدوةجديدة ووقع الخيار على ...........................

[lulu (^_^)]

Mr.x, 31 July 2010 - 08:34 PM, :

والبنات كلهم شعرهم منفوش...

صحي ليش كان هيك ...قولتك من شامبو سنان...ولا من شامبو شامتو بالقريص...

اقتباس

شوفوا كيف الولد واقف كأنو مخشب...شو بكره الام اللي بيرسموها...بحياتهن ما لبسوها شغلة مقبلة

اقتباس

يمكن كان هادا الغلاف تبع الكتاب اذا ما خاب ظني...

صح هادا الغلاف...

بتتذكروا وقت كانوا يوزعوا الكتب وقت تفتح المدرسةكان يطير عقلنا ...والواحد نهارو أسود وكئيب وقت بيعطوه كتاب قديم

وعلى افتح الصفحة 38...وبعدين افتح الصفحة...وبالأخير.....هيييك...... ضحكت عليك يا.......

اقتباس

واتجوزت عالغربة يا خطيتها.........

ليش يا خطيتها

[Shell]

ابوه لباسم ..بحسه موظف بالقطاع العام ريحته طالعة وبيلبس قميص  شيّال من جوا وعالساعة 2.30 بيركب بباصات النور عالواقف

[lulu (^_^)]

Shell, 02 August 2010 - 02:12 AM, :

ابوه لباسم ..بحسه موظف بالقطاع العام ريحته طالعة وبيلبس قميص شيّال من جوا وعالساعة 2.30 بيركب بباصات النور عالواقف

والله العظيم يا أخ شل كنت بدي اكتب هيك بس قلت حاجة كر.... والله ما بحسو غير موظف لهالزلمة

[بائعة الكستناء]

Mr.x, 01 August 2010 - 05:56 PM, :

بس مين هادا أديب...

هاد البطل الجديد لمنهاج صف الأول الجديد بدل باسم هيك سمعت اسمه

[Mr.x]

والله ما بعرف ليه كانوا هيك منكوشي الشعر ...بجوز ما كان في مصففات شعر أو مواد تسبيل أو أية مواد عناية بالشعر وقتها...وبجوز هيك الموضة.....احتمال كانت صرعة هديك الأيام والعالم عما تقلد ميادة حناوي أو عزيزة جلال...والشباب عما يقلدو بهجت توفيق...

أنو ليه يا خطيتها.....هيك العالم بتحكي..أنو هاي اتجوزت للغربة...أيامها كانت لسى مو دارجة شغلة الغربة كتير....بينما هلأ رح يصير الوضع بالعكس...يا خطيتها اذا اتجوزت للبلد...

[ابو الصبر]

يازلمي حذيفة انتي رهيب ... من وين بتنكش هالنكشات ؟

ماكان يعجبني اسمن بصراحة ... رباب وباسم وميسون ..

[ابو الصبر]

Shell, 02 August 2010 - 03:12 AM, :

ابوه لباسم ..بحسه موظف بالقطاع العام ريحته طالعة وبيلبس قميص  شيّال من جوا وعالساعة 2.30 بيركب بباصات النور عالواقف

لاتنسى انو عضو عامل وبيحضر الاجتماعات بفرع الحزب تبع النقابات العمالية كل يوم اربعا ...

[Mr.x]

Shell, 02 August 2010 - 02:12 AM, :

ابوه لباسم ..بحسه موظف بالقطاع العام ريحته طالعة وبيلبس قميص  شيّال من جوا وعالساعة 2.30 بيركب بباصات النور عالواقف

ابو الصبر, 02 August 2010 - 06:09 PM, :

لاتنسى انو عضو عامل وبيحضر الاجتماعات بفرع الحزب تبع النقابات العمالية كل يوم اربعا ...

[هيا]

هلئ يا انا كسلانة زياادة يا زاكرتي كتير قوية لانو مابعرفون لهودل رباب و باسم

بعرف ريم ورامز

[أبوالفوارس]

الموضوع حلو كتير وبيسلي وطريقة طرحو مبتكرة خصوصاً مصير باسم ورباب شكراًكتير مستر اكس
بالنسبة للأخت هيا منين جايبتيلنا رامز وريم هادا تعدي على التاريخ والحضارة وخلط وتدليس على الناس يعني مابصير هيك بالمرة
بالنسبة لسوبر نان يعني نقصت نشيد فلسطين داري وهو نشيد
وطني وثوري مهم وأظن انو كلماتو كالتالي
فلسطين داري
ودرب انتصاري
تظل بلادي
هوىً في فؤادي
ولحناً أبياً على شفتيا
وجوه غريبة
بأرصي السليبة
تبيع ثماري
وتحتل داري
وأعرف دربي ويرجع شعبي
الى بيت جدي الى دفء مهدي
فلسطين داري وأرض انتصاري
أظن هاي هي الكلمات ولاتواخذوني اذا أخطأت لأني عم اكتبا من ذاكرتي

[ساهير]

الله يرحم هديك الأيام كانو كل الجيران يفيئو مشان يشجعوني روح على المدرسة

اييييييييييييييييييه ايام بس والله احلى من الجامعة ماحبيتا

[الـــدومــري]

Mr.x, 31 July 2010 - 08:34 PM, :

وحاليا في عدة قصص وروايات حول مصير باسم ورباب....عالم بتقول أنو باسم وصل للسادس ونزل عالصناعة اشتغل مع أبوه....وعالم بتقول أنو لأ...هوي وصل للتاسع بس ما قدمها ....ونزل اشتغل بالسوق عند خاله.....

باسم كان حاطط عينو على ميسون من اول الكتاب وهلق اتجوزوا وصار عندهم عر ولاد

[SILENT]

ههههههه

[Mr.x]

وكانت النهاية الحزينة لأبطال كتب القراءة...

[أبو الجماجم]

أنا سمعت انو ماهيك النهاي
سمعت انو بابا تبع مازن طقو تقرير لبابا باسم قام راح فيا ولهلق ما حدا بيعرف وين أراضيه وازا عايش لما ميت
ماما حاولو اهلا يطلقوا بالمحكمة وقالولا انتي صبية والف بابا تاني بيتمناكي
ماما ما وافقت وهربت من الضيعة عالمدينة وصارت تشتغل كوافيرة لأنا كانت تحبو كتير لبابا الله يرحمو
بس بسنوات قطع الكهربا كانت عمتشعل الموتور قام صار كنطاك وحريق وماتت ماما
باسم كان بالعسكرية مع انو وحيد بس بابا تبع مازن ويلي صار مسؤول كبير شحطو غصب تحت ضغط مازن بس ما حدي لحد هون عرف ليش سبب اصرار مازن عشحط باسم عالجيش
ولما كان باسم نازل مرة اجازة مشان يطمن عرباب يلي مابقالو غيرا بهالدنيا شافا مع مازن , قام اسودت الدنيا بوجهو وقالا مع مين مع ابن عدو بابا وقتلا هي ومازن
وبما انو عسكري شحطتو الشرطة العسكرية وحطو بسرية التأديب 9 شهر بعدين اخدو عحقل الرمي بنجها وهنيك مات رحمة الله عليه وعليهم اجمعين
هاي القصة الحقيقية لعائلة بابا وماما ما كنت حابب قولا بس لما لقيت الشائعات بلشت تكتر قلت لازم بين الحقيقة
والنا رجعة لهالكلب بابا تبع مازن ونهايتو المفجعة

[أبو فرحان المعلم]

وهالايام مين حطو بدال باسم ورباب