[khaldoun]

السلام عليكم ..

من يومين احتدم النقاش بيني وبين اختي عن هالموضوع فحبيت نزله واخد رايكم فيه ..


سؤال موجه لشباب المنتدى :

وقت بدك تخطب ولقيت البنت المناسبة بس طلعت مخطوبة من قبل وقالبة هل توافق عليها ام ترفضها لهذا السبب ؟؟



ونفس السؤال موجه لصبايا المنتدى :

لو تقدم لخطبتك شاب ..وعلمت انه كان خاطب وقالب فهل تقبلين به ام ترفضينه لهذا السبب بالذات ؟



سؤال تاني للشباب :

اذا ذهبت لخطبة فتاة وكانت وحيدة اهلها يعني ماعندها اخوة بنات فهل تقبل بها او ترفضها باعتبارها مدللة اهلها ؟



نفس السؤال موجه لصبايا المنتدى :

اذا تقدم لخطبتك شاب وكان وحيد اهله يعني مافي غيره شب فهل تقبلين به ام ترفضينه باعتباره دلول الماما ؟؟


بانتظار ارائكم ..وشكرا لكم .

[العربية]

اقتباس

لو تقدم لخطبتك شاب ..وعلمت انه كان خاطب وقالب فهل تقبلين به ام ترفضينه

اقتباس

اذا تقدم لخطبتك شاب وكان وحيد اهله يعني مافي غيره شب فهل تقبلين به ام ترفضينه باعتباره دلول الماما ؟؟

هدول ما اسباب اكتر من انهن مجرد تقليع للشخص وانو مخترعين اسباب اختراع لانو ما بكون عاجبهن

[ابو الصبر]

بالنسبة للسؤال الأول ... مابعرف لأني ماجربت ..

بس ماني شايف مشكلة اذا الواحد لقى البنت يلي عم يدوّر عليها ويلي فيها كل المواصفات يلي ببالو واذا ارتحتلّا وتأكّد انو نسياني خطيبا الأولاني ... مانا هالقصة الكبيرة يلي بهوّلها الشعب الحمصي ... واذا يعني البنت انخطبت وفكّت ؟ شو هيي اتزوجت مثلا ؟ هيي خطبة والخطبة ماضروري يصير فيها تفاهم ولو كان في تفاهم او حب ماكانت انفكّت يعني من آخرتا ماملاقي فيها مشكلة

اما مشان السؤال التاني ...ما بس وحيدة أهلها بتكون مدللة أوقات بتكون البنت عندها خوات ورغم هيك مدللة ... طبعا ماعندي مشكلة ابدا وتكون مدللة شوفيا ؟ بالعكس حلو الدلال للبنت ومعا معا بتصير على قد المسؤولية

[طويل الشوق]

واذا خاطبة وبطلت او بطل العريس عادي بكون مافي نصيب بس وقت بتقتنع لازم تسأل عن السبب
وهي شغلة رأي يعني بالنسبة الي لو كانت متزوجة ومطلقة مافي مشكلة بس اعرف السبب الحقيقي ويكون ما منها
اما وحيدة ومدللة فيجب ان تسأل عنها يعني احيانا بكونوا عشرة بنات وطلباتهم وطلبات اهلهم خنفشارية
واحيانا بتكون وحيدة اهلها بس اهلها متفهمين

[ابو الصبر]

هلأ وحيدة شي .... وإنو طلبات أهلها تعجيزية شي تاني


يعني على سبيل المثال مرّة رفيقي راح بده يخطب بنت .. لانا وحيدة خلية ولا شي ... ووقت سألو أهلو أهلها شو بدكن قالولن مامنختلف أبدا
ومن هون لهون طلع بدّن بيت بالدبلان قال مشان تضل جنبن

[أبو الهمايم]

أهلييييييين...هلق بيجي شي حدا من الأعضاء القدمى وبيعطيك رابط لشي موضوع قديم .......وبيقلك قد تم التطرق للموضوع سابقا ...ومناقشته ...وع الغالب بيكون هالشخص تجوز وخلص معد يجي ع بالو يكتب بهيك مواضيع ......بس قبل ما يتجوز بجوز أول واحد كان يشارك فيا حتى لو مكررة مية مرة ....
عكل منرجع للموضوع ......بدك كل واحد رأيو ولا بدك شو سائد بين الناس ......
غالب السائد بين الناس إنو الشب إذا خاطب وقالب ما مشكلي ......بس البنت لاء ..إذا قالبة فهي نقطة سلبية عندا .......وبخصوص السؤال التاني ...عند أغلب الناس ...ع حسب اطلاعي ما بتفرق إذا كان الشب أو البنت وحيدين ومتل ما قالت الأخت عربية ....بجوز يكونو هالأسباب هني أسباب للتطفيش.......

رح احكي عن حالي بما إنو السؤال موجه للأعضاء بصفتون الشخصية ..... ....أنا بتفق مع المجتمع ..كرأي شخصي ...بغض النظر عن كونو صح ولا غلط .......
أنا ما باخد قالبة ..إذا الله يسر ...طبعن كلو تيسير من رب العالمين ....وبالذات إذا كاتبي كتابا وبعدين طلاق .....لإن هاد اسمو طلاق بعد زواج شرعي ...وبجوز كان في خلوة كمان وأنا ما بناسبني هالشي بنوب بنوب ......بعرف إنو حلال ...والبنت ما غلطت ...إيش ما صار لإن بيناتون عقد شرعي .......بس أنا ما بناسبني هيك شغلات بنوب بنوب ......إذا خاطبي خطبي من غير كتب كتاب نص مصيبي......بس كمان ما بناسبني ....عم احكي رأي شخصي بحت مليون بالمية ....مش إنو صح ولا غلط يمكن غلط بس أنا هيك عقلي ما باخد وحدي قالبي......والله لا يعيزنا نقلب بعد خطبة أو كتب كتاب ولا يحطنا بهيك موقف....برجع بقول رأي شخصي ما بلزم حدا في.......
بس بنفس الوقت ماني متعصب ضد هالقصة .........كيف يعني ؟؟؟؟
يعني إذا وحدي فرضن ذكرولي اسما ومواصفاتا ومن هالحكي وبعدين قالو قالبي ...فورن بقلون بلاها ماني مضطر شوفا شوفولنا غيرا ..البلد ما فضيت .........ولكن ع فرض في إنسانة معينة حكولي عنا واقتنعت فيا .وشفتا .....وعرفت إنا قالبي لأسباب كذا وكذا وكذا ..وأنا مقتنع كتير كتير ...ساعتا منشوف شو الله بيسر بوقتا .... ........
لإن موضوع الخطبي والجواز مانو لعبي .....
أما بخصوص السؤال التاني تبع الوحيدين ....إذا البنت وحيدي وإذا الشب وحيد ومدللين ومن هالحكي........فهاد اسمو كلام فاضي .......وتبطير أشكال ألوان ...شو بدك بإخواتا للمخلوقة ......وهيي شو بدا بإخواتو .....إلا إذا كان الموضوع نفقة وما نفقة وإنو الشب مسؤول عن فتح بيت تاني غير بيتو هوي بيت أمو وأخواتو البنات مثلا .....في حال وفاة الوالد أو كبره ...فهاد حكي تاني .....

[أبو الهمايم]

ابو الصبر, 31 July 2010 - 04:13 PM, :

هلأ وحيدة شي .... وإنو طلبات أهلها تعجيزية شي تاني


يعني على سبيل المثال مرّة رفيقي راح بده يخطب بنت .. لانا وحيدة خلية ولا شي ... ووقت سألو أهلو أهلها شو بدكن قالولن مامنختلف أبدا
ومن هون لهون طلع بدّن بيت بالدبلان قال مشان تضل جنبن

قلتلي ما منختلف لكن مهيك ..........هي هي ما بيناتنا ...شغلي فاضي يازلمي ...بس هيك بدون ......بسيطة..

[طويل الشوق]

اخي ابو الصبر لا يكون رفيقي هوي رفيقك كمان صار معو نفس الشي بس ما بدهم بيت بالدبلان
بيت وعيادة وعرس بزنوبيا ودهب بشي اربعة مئة الف وما بنختلف
يا حبيبي
ومن تجربة شخصية غير مكتملة كانت الطلبات من شاب تقدم لصبية قبلي هي سبب صرف للنظر عن الموضوع

[حمصية آه يانيالي]

اقتباس

لو تقدم لخطبتك شاب ..وعلمت انه كان خاطب وقالب فهل تقبلين به ام ترفضينه لهذا السبب بالذات ؟

برأي مانه سبب للواحد يرفض إلا في حال كان سبب القلبة ناتج عن شيء بشخصيته ما بتوافق شخصيتي

اقتباس

اذا تقدم لخطبتك شاب وكان وحيد اهله يعني مافي غيره شب فهل تقبلين به ام ترفضينه باعتباره دلول الماما ؟؟

كمان مانه سبب، واذا كانت الام فعلا بتحب ابنها وبدلله فبدلل مرته

[3loosh]

يعني ما بعرف ليش دائما عم يطلع رايي بهيك مواضيع موحد .. يا انا فيي مشكلة .. يا ...مابعرف شو ..

انا برايي وبرايكن طبعا انو كلو قسمة ونصيب ..
هلأ كلن بقولولك ما مشكلة هدول السببين عاديات .. بس وقت الجد بجوز تختلف الأمور ..
او بالعكس بجوز يقولولك هيي عقبة .. بس وقت يشوف المخلوقة .. يتغير كل الحديث ..
ما بعرف انا برايي هيك قصص ما بينحكى فيا .. لانو ما في شي بأيدنا ( وجه ضاحك )

[ابو الصبر]

شو قصتك انتي والوجاه ؟ اكيد وضعك متل وضعي ماعم يطلعو عندك الفيسات ... انا عم اكتبن كتابة

[البنفسج الحمصي ^_~]

مرحبا شباب وصباية كيفكم .........

عنوان الموضوع غير شكل ( هل تقبل هل تقبلين ) وقت شفت العنوان قلت شوي تاني رح يقلي اعلنكم زوجً وزوجة


وقت بدك تخطب ولقيت البنت المناسبة بس طلعت مخطوبة من قبل وقالبة هل توافق عليها ام ترفضها لهذا السبب ؟؟



اذا ذهبت لخطبة فتاة وكانت وحيدة اهلها يعني ماعندها اخوة بنات فهل تقبل بها او ترفضها باعتبارها مدللة اهلها ؟

السؤال الاول : نعم بقبل
السؤال التاني : نعم بقبل


اخي الكريم :: عادي مافيها شي , اهم شي تكون البنت صاحبة خلق ودين

[ياسمينة حمصية]

أخ خلدون . .

أشكرك على هذا الموضوع . . و اجابتي على كل الأسئلة أنه لا يهمني ان كان خاطبا أو وحيد أهله .

و تعليق صغير . . أو سؤال . . هل نستطيع فتح قلوب الناس لنرى ما بداخلها؟ فمنهم من خطب و أعلن خطبته أمام الناس و لم يتم النصيب . . و منهم من أحب و تعلق بالشخص الأخر و لم يتم النصيب . . نعرف عن الأول لأن الخطبة أعلنت و لا نعرف عن الثاني لأنه لم تكن هناك خطبة و كانت مشاعر فقط احتفظ بها شخص ما بداخله أو بداخلها. فكيف تعرف أن قلب الشخص الذي تتقدم له ستكون أنت أول من يفوز به؟ لن تعلم إلا في حالة واحدة و هي أن تفتح القلب و ترى ما بداخله.

و شكرا.

[بائعة الكستناء]

مابقبل بواحد كان خاطب وقلب ابدا ولا بفكر فيه أصلن ...

مشان السؤال التاني مابتفرق ان كان وحيد ولا ماوحيد

[ابو الصبر]

أبو الهمايم, 31 July 2010 - 05:32 PM, :

رح احكي عن حالي بما إنو السؤال موجه للأعضاء بصفتون الشخصية ..... ....أنا بتفق مع المجتمع ..كرأي شخصي ...بغض النظر عن كونو صح ولا غلط .......
أنا ما باخد قالبة ..إذا الله يسر ...طبعن كلو تيسير من رب العالمين ....وبالذات إذا كاتبي كتابا وبعدين طلاق .....لإن هاد اسمو طلاق بعد زواج شرعي ...وبجوز كان في خلوة كمان وأنا ما بناسبني هالشي بنوب بنوب ......بعرف إنو حلال ...والبنت ما غلطت ...إيش ما صار لإن بيناتون عقد شرعي .......بس أنا ما بناسبني هيك شغلات بنوب بنوب ......إذا خاطبي خطبي من غير كتب كتاب نص مصيبي......بس كمان ما بناسبني ....عم احكي رأي شخصي بحت مليون بالمية ....مش إنو صح ولا غلط يمكن غلط بس أنا هيك عقلي ما باخد وحدي قالبي......والله لا يعيزنا نقلب بعد خطبة أو كتب كتاب ولا يحطنا بهيك موقف....برجع بقول رأي شخصي ما بلزم حدا في.......
بس بنفس الوقت ماني متعصب ضد هالقصة .........كيف يعني ؟؟؟؟
يعني إذا وحدي فرضن ذكرولي اسما ومواصفاتا ومن هالحكي وبعدين قالو قالبي ...فورن بقلون بلاها ماني مضطر شوفا شوفولنا غيرا ..البلد ما فضيت .........ولكن ع فرض في إنسانة معينة حكولي عنا واقتنعت فيا .وشفتا .....وعرفت إنا قالبي لأسباب كذا وكذا وكذا ..وأنا مقتنع كتير كتير ...ساعتا منشوف شو الله بيسر بوقتا .... ........
لإن موضوع الخطبي والجواز مانو لعبي .....
أما بخصوص السؤال التاني تبع الوحيدين ....إذا البنت وحيدي وإذا الشب وحيد ومدللين ومن هالحكي........فهاد اسمو كلام فاضي .......وتبطير أشكال ألوان ...شو بدك بإخواتا للمخلوقة ......وهيي شو بدا بإخواتو .....إلا إذا كان الموضوع نفقة وما نفقة وإنو الشب مسؤول عن فتح بيت تاني غير بيتو هوي بيت أمو وأخواتو البنات مثلا .....في حال وفاة الوالد أو كبره ...فهاد حكي تاني .....

الله يعلّقك بوحدة قالبة وتطمس الطمسة العجيبة ... ساعتا بدي حطلك الرد باقتباس وابعتلا اياه رسالة من فاعل خير

[زهرة البنفسج]

ممكن أخي خلدون تقلنا رأيك ورأي أختك وتجاوب انت عأسألتك

والله أمركن عجيب غريب

وين العيب اذا كان الشخص مرتبط قبل ؟؟ ما فهمت وين المشكلة ؟؟ ان كان للبنت وان كان للشب ... ما كان في اتفاق وتم التراجع قبل ما يصير في مضاعفات بالمستقبل

وراح كل طرف بحال سبيلو ...

أحيانا المجتمع بعقد أمور بسيطة وببسط أمور لازم تنحمل على محمل الجد

ما عندي مشكلة ... بشرط عدم المقارنة بأي أمر ( حتى لو بينو وبين نفسو ) و فتح صفحة جديدة ونسيان اي فتاة مرت بحياتو ان كانت خطيبة أو حتى ولو اعجاب بفتاة أخرى القلب بإيد رب العالمين وما في البشر يسيطر عليه

بالنسبة للبنت نفس الشي ... المخلوقة بإيدها عملت هالشي ؟ اكيد ما في بنت بتتمنى كترة مرور الرجال بحياتها بس أحيانا في أمور خارجة عن الإرادة

المهم البنت تبقى محافظة على خلقها ودينها ... والبنت مظلومة بهالنقطة أكتر من الشب للأسف ... بس عرفوا انو ارتبطت قبل هيك ببطلو رغم انو بتكون على قياس أحلام الأهل والشب !!
وحتى لو اتعلقت بخطيبها و انجرحت وقت قلبت ... بس هون دور الشب الخاطب الجديد انو ينسيها كل شي مر بحياتها من فرح أو حزن ليخلق الها جو يحسسها انو هي ملكة ومن قبلو ما فرحت عن جد و طبعا هي كمان ما لازم تقارن ولو بعقلها الباطن

والنسيان دوا القلوب طبعا بمساعدة الشريك الجديد

أما عن الشب الوحيد لأهلو ... هون الانسان بخاف من تعلق الأهل فيه بس هي أبدا ما قاعدة كمان بترجع لشخصية الشب نفسو في شباب عايشين طول عمرون بين الرجال بس وقت الجد بيهربو وبإسو
بجوز يكون من هو وصغير متربي على حمل المسؤولية وانو امو واخواتو هني أمانة برقبتو

وبرجع بقول حكينا نظري بنظري وقت بصير الجد بتتغير كتير أمور

يعني كلامي وجه نظر الواقع يا بأثبتها يا بينفيها

[زهرة البنفسج]

اقتباس

الله يعلّقك بوحدة قالبة وتطمس الطمسة العجيبة ... ساعتا بدي حطلك الرد باقتباس وابعتلا اياه رسالة من فاعل خير

بائعة الكستناء, 31 July 2010 - 11:00 PM, :

مابقبل بواحد كان خاطب وقلب ابدا ولا بفكر فيه أصلن ...

مشان السؤال التاني مابتفرق ان كان وحيد ولا ماوحيد

ليش يعني ممكن توضحي الأسباب

وانا كمان ما بتفرق معي ان كان مفيد ولا ما مفيد

..................

*وبعدين كلمة على جنب ... وقت بدو يحكم النصيب الكل بيسكت وما بيقدرو ينطقو وفرطت يا عرب وخبزة وزيت كل مين على بيت هاد أحسن رأي برأي :P

[ابو الصبر]

بائعة الكستناء, 01 August 2010 - 12:00 AM, :

مابقبل بواحد كان خاطب وقلب ابدا ولا بفكر فيه أصلن ...

مشان السؤال التاني مابتفرق ان كان وحيد ولا ماوحيد

وانتي كمان شرحو لأبو الهمايم .... ان شاء الله تنخطبي من واحد فائس وساعتا كمان بدي اعمل فاعل خير

[lulu (^_^)]

والله يا زهرة حكيك منطقي ومقنع جدا...بس لا تنسي إنو الشخصيات مختلفة...في بنات ما بيقبلو يكون اللي بدو يخطبها خاطب قبلها

وفي بنات عادي ما بتفرق معهن...إذا كان خاطب قبلها ...ولا عايش مدري كم قصة حب

ما تسأليني ليش ما بتقبل..هيك ...بتغار يا أختي...وما بتحب يكون الشخص الي راح يصير زوجها بيعرف بنت غيرها ...حقها..مع إنو منطقيا مانو سبب

للرفض بس هيك ما بتتقبل الفكرة

و هلأ بيقولوا الشباب هي قلة عقل...بس لو إنكن تعرفوا شعور الغيرة اللي بتشعرو البنت الغيارة...كنتو عذرتوها

أما رأيي انا .....أكيد ما كنت راح اقبل فيه ولو إنو كامل مكمل...ليش ..لنفس السبب السابق ....غيارة

[زهرة البنفسج]

lulu (), 01 August 2010 - 12:00 AM, :

والله يا زهرة حكيك منطقي ومقنع جدا...بس لا تنسي إنو الشخصيات مختلفة...في بنات ما بيقبلو يكون اللي بدو يخطبها خاطب قبلها


أما رأيي انا .....أكيد ما كنت راح اقبل فيه ولو إنو كامل مكمل...ليش ..لنفس السبب السابق ....غيارة

أكيد عامل الغيرة عند البنت قوي كتير ... بس لو الشب كانت مواصفاتو متل ما بحلم ما بظن انو هوي سبب مقنع للرفض الأسباب أكبر من هالقصة مثلا عندي البخل خط أحمر

والدين ...

وبغار بس بحاول سيطر عليها لحتى ما تعمي عيوني عن الشغلات الأهم والأبدى

وبعدين متل ما قالت ياسمينة حمصية ما في انسان بيعلم شوفي بالقلب ... المهم نية الانسان من الزواج و الاتفاق والتفاهم بعدين بين الطرفين

والزواج بقولو بطيخة حظك يا بو الحظوظ يعني قد ما قلنا بدي هيك وهيك وهيك وبحلم بكزا وكزا ... بس ما حدا بيعرف الله شو كاتبلو ولا شو مقدر عليه لهيك يترك الأمور هي لله وما يفكر كتير فيها الكلام للطرفين ( شباب وبنات ) المهم يخليها بقلبو ويطلب من الله والأهم ما يتشرط لانو بس اتشرط بيجي العكس دائما

وصدقا عم قولا عن كزا مشاهدة من شباب عيلتي ... بس الحمد لله في اتفاق وتفاهم ما شاء الله

[سوري حمصي كرماوي]

الزواج قسمة ونصيب وكل واحد عما بحكي على الفضى مع أحترامي للكل المشاركين

والقلب سمي القلب لسرعة تقلبه

بجوز اليوم تقول ما بتفرق معي
وبكرا تقول أعوذ بالله ما بيمشي الحال معي


والقلب بيد الرحمن يقلبه كيف يشاء



والموضوع نسبي بيفرق من عيلة لعيلة ومن شخص لتاني..................

وسكرولنا الموضوع.....................


http://www.homslife....=0&#entry415174

[3loosh]

يا ويلاااااااااااااه

[Shell]

عادي ابو خاليييييييد عادي 

[khaldoun]

بالنسبة للاول :

بقبل اذا كانت فسخ الخطبة نتيجة عدم التوافق بين الاراء وعدم التفاهم بين الطرفين

بالنسبة للسؤال التاني :

اذا كانت مدللة اهلها فما بحب اني اخد هيك بنت بتاتا , على جبلي , وانا اهلي ماكانو يرفضولي طلب , وبدي الشغلة الفلانية والشغلة العلانية , اي روحي يا عمي خليكي ببيت اهلك شو جاي تدللي عندي

[khaldoun]

سوري حمصي كرماوي, 01 August 2010 - 12:37 AM, :

وسكرولنا الموضوع ..

http://www.homslife....=0&#entry415174

هلا انا ما فهمت شو بدك يعني ؟

شو دخلك الرابط بالموضوع ؟

[هيا]

اقتباس

مابقبل بواحد كان خاطب وقلب ابدا ولا بفكر فيه أصلن ...

ليش خيتو
هو عمل شي حراام لحتى ما تقبلي ؟؟ بعدا بجوز هو ملاك وهي ملاك بس ما اتفقوا مع بعض عاادي كتيير وين المشكلة بالموضوع

انا من جهتي ما بتفرق معي اذا كان خاطب وما بتفرق معي اذا كان دلوول بالعكس احلى


...

اقتباس

بتغار يا أختي...وما بتحب يكون الشخص الي راح يصير زوجها بيعرف بنت غيرها ...حقها..مع إنو منطقيا مانو سبب

للرفض بس هيك ما بتتقبل الفكرة

هلئ بتغاار اذا كان خاطب وحدة قبلها ليش هي متأكدة انو مو حاكي مع بناات قبل الخطبة
يعني الوحدة بتبدا بتغاار بعد الخطبة يعني عالاقل يكونوا حبو بعض اوكي هون تغاار وتطالع جنونا كلو
اما انو ما بتقبل تاخد واحد خاطب قبلها مشان الغيرة فلأ

[طويل الشوق]

اقتباس

وين العيب اذا كان الشخص مرتبط قبل ؟؟

الاخ ابو الهمايم يحمل وجه نظر قد لا يستسيغها البعض لكنها حقيقة وتستحق التفكير
بالنسبة للفتاة اذا الشاب كان فائس قبل مرة ما رح يختلف الامر كتير
اما للشاب فمعناها انو البنت تباينت على شاب غيره وحتى لو ما صار شي مانو طبيعي لكن
مجرد شوفتها بلا حجاب قد تشكل مشكلة بالنسبة لبعض الناس وهذا امر لا يمكن التغافل عنه وكأنه لم يكن
يعني كلام الاخ ابو الهمايم يحمل من الصحة بما يتوافق مع تركيبة مجتمعنا وعقلياته

[أبو الهمايم]

......
خليني ساكت احسن...

[نسكافيه]

بالنسبة للسؤال الاول :

هلا اذا كان الشب منيح ومواصفاتو عجبتني ولقيت اني بقدر كمل حياتي معه ما عندي مشكلة حتى لو كان خاطب من قبل بس ع شرط اعرف السبب الحقيقي منه ولو بصحلي اسمع السبب من البنت يلي قلب عنها ما بقول لاء

ومتل ما قالت ياسمينة : انا عرفت انه خطب من قبل , بس ما بعرف كم وحدة حب قبل هالبنت يلي خطبها ويمكن ما قدر انه يرتبط فيهم..؟

ومتل ما بيقولو الجازة جوزة مقفولة ما حدى بيعرف شو فيها ...

اما بالنسبة للسؤال التاني :

ومن ناحية انه مدلل ووحيد اهله فما بقدر احكم عن هالموضوع لشوف الشب ..., مع اني بفضل انه ما يكون وحيد , ,ومع هيك ما بنفي في كتير شباب مانون وحيدين ومع هيك مدللين كتير وما خرجون يتحملوا مسؤولية ابدا ... ...

وبالاخير الله اعلم ما حدى بيعرف شو نصيبو ولا وين بدو يكون ...

كلمة اخيرة لزهرة البنفسج : انت قلتي الانسان ما لازم يتشرط وانو اذا تمنى لازم يضل هالشي بقلبه بس في امور ما فيكي ما تشترطي عليها يعني بتكون اساسية متلك متل الشب ليش الشباب ما بيشترطوا على بدي اياها هيك وما بدي هيك ونحنا كمان النا شروط ...ومع هيك الواحد بيتمنى بس بالاخير يلي الله كاتبه بدو يصير ..

يا مافي بنات من حواليي كانو ما بدون يتغربو وبالاخير مصيرون كان للغربة ...وهي يلي بدا اياه دارس وبالاخير اخدته مو دارس وعايشين مع بعض وعين الله عليهم ومبسوطين ...

[بائعة الكستناء]

هيا, 01 August 2010 - 02:20 AM, :

ليش خيتو
هو عمل شي حراام لحتى ما تقبلي ؟؟

زهرة البنفسج, 31 July 2010 - 11:39 PM, :

ليش يعني ممكن توضحي الأسباب

أسباب خاصة جدن غير الغيري و لا يسعني ذكرها الآن .... والمعنى الحقيقي بقلب الشاعر

[أبو الهمايم]

يا خيتو هي طباع شخصية ....ماحدى فينو يسأل التاني ليش ما بتحب تشرب كوكتيل مثلن .....أو ليش بتحب البطاطا المقلية .........
هيك.......في ناس ما بتحسن تاخد وحدي خاطبة حدا قبلو ....يي.....لسا في مصطلحات للنسوان بيحكو ع هيك قصص بتضحك ....قصدي يعني النسوان بعززو هيك طباع عند ولادون ....

[ابو الصبر]

أبو الهمايم, 01 August 2010 - 03:48 PM, :

يا خيتو هي طباع شخصية ....ماحدى فينو يسأل التاني ليش ما بتحب تشرب كوكتيل مثلن .....أو ليش بتحب البطاطا المقلية .........

يازلمي رهيب انتي .... كوكتيل وبطاطا قلتلي

يازلمي كلو عندك أكل وشرب حتى الخطبة والجازي ?

[نسكافيه]

بما انه انفتح باب الاسئلة ...خطروا ع بالي هالسؤالين ...

شو العمر المناسب بين الزوجين براي كل عضو ؟؟ يعني ممكن تاخد /ي واحد/ة قدك ؟؟ اكبر منك ب 15 او 20 سنة مثلا ؟؟

وهل يا ترى شباب الغربة بيتحملوا مسؤولية اكتر من الشباب يلي مو متغربين بحكم غربتهم ؟؟

تم تعديل هذا الرد بواسطة نسكافيه : 01 August 2010 - 10:37 PM

[طويل الشوق]

اذا اجينا لعلم الرياضيات بقولو انو انسب عمر هو نصف عمر العريس + 5
يعني لنفرض عمره اربعين انسب عمر 25
عمره 25 هي 18
بس هذا تنظير
كلو قسمة ونصيب بس يعني على الاقل شي خمس سنوات بس
يعني وقت بياخد من عمرو هو 40 بذروة رجولته وهي 40 دخلت سن اليأس
وبنظري العمر ما مشكلة

[ابو الصبر]

انا وقت كنت 22 كان العمر مانو مشكلة عندي

صرت 25 صار بدي فرق 3 سنين
وهلأ انا 27 وبدي فوق لايقل عن 5 سنين وطالع وكل مازاد عمري بزيد الفرق المحبذ

[أبو الهمايم]

العمش والله ختيرت يا أبو الصبر ......كل هالمراحل مرت عليك ....بعدين تفاءل بالخير يا رجال ..........كل ما زاد عمرك بزيد الفرق؟؟؟؟؟؟شو لقيمت ناوي يضل عم يزيد عمرك هيك ....

خدو من أبو الهمايم هالحكم .....
برأيي الفرق المثالي بين الزوجين ..من تلت أو أربع سنين لسبع سنين ...أققل من هيك بكون قليل ...وأكتر من هيك كتير ....
العمر المثالي للشب للزواج بين ال27 لل29أققل من هيك ممكن بس رح يكون ع حساب إنو يكون حالو علمياً ومهنياً ومادياً ....أكتر من هيك كتير .....برايي حرام يوصل الشب للتلاتين كتير .....
هلق العمر المثالي للفتيات ما كتير بفهم أنا بهيك قصص .....زبس رح اعمل عملية حسابية بسيطة ........وهيي حساب العمر المثالي للفتاة من العمر المثالي للشاب والفرق المثالي بين الزوجين ......27-7=20
29-4=25
معناتو بهالحسبي العمر المثالي لزواج البنات من 20 ل25...ما بعرف هيك الحساب بقول وباينتو الحكي منطقي.......

أنا الشريحة يلي عم احكي عنا ....هيي الشباب يلي درسو وتعبو وعم يكونو حالون .......هلق في نماذج تاني لشباب ......عم يشتغلو بالصنتعة مثلاً ...أو بمهن حرة ...الله يرزقون ويقوين ...هدول إلن اعتبارات أخرى كونو بلشو حياتن المهنية ع بكير .....وغالباً وقت يلي بيتزوجو بيتزوجو من نفس المستوى التعليمي .يعني لازم نحذف سنين الدراسة من عين الاعتبار .......

هلق دابو في اسئلة عم تنفتح وتنفتح والموضوع عم يصير في نقاش واخد وعطا ولسا ماحدي من الأعضاء القدمى يلي تجاوزو هالمرحلة لهلق دخل لهون واتحفنا بشي راي إنو هالموضوع انطرح واتناقش كتير بالمنتدى ولسا لهلق ماحدي سفقنا شي كام رابط لشي مدري كام موضوع ناقشو قصص ومشاكل الزواج بالمنتدى ........خليني اطرح هالتساؤل التالي........
بالنسبة للشب المغترب ....كيف بدو يرتب أولوياتو للبنت يلي ناوي يخطبا من ناحية العمر والعلم .......وللأسف هذين الشرطين متعارضين تماما ..... بالنسبة للمغترب لإن الفتاة التي سترتبط به ستسافر وتتغرب معه ..........فإذا كان بدو وحدي متعلمي مشان وعيا وطريقة تفكيرون تكون متقاربة ويفهمو ع بعض ومن هالقصص .....بدو يستغني عن شرط العمر وبالذات إذا كان الشاب صغير بالعمر ولم يصل لحيطان التلاتين ...وإذا كان بهمو يكون في فارق بالعمر .....بدو يستغني عن التعليم ...أو بدو يخليا تترك الجامعة ...ودبرا إذا بتتدبر .....وحلا غذا بتنحل ..:.

[ابو الصبر]

أبو الهمايم, 02 August 2010 - 12:02 AM, :

خدو من أبو الهمايم هالحكم .....
برأيي الفرق المثالي بين الزوجين ..من تلت أو أربع سنين لسبع سنين ...أققل من هيك بكون قليل ...وأكتر من هيك كتير ....
العمر المثالي للشب للزواج بين ال27 لل29أققل من هيك ممكن بس رح يكون ع حساب إنو يكون حالو علمياً ومهنياً ومادياً ....أكتر من هيك كتير .....برايي حرام يوصل الشب للتلاتين كتير .....
هلق العمر المثالي للفتيات ما كتير بفهم أنا بهيك قصص .....زبس رح اعمل عملية حسابية بسيطة ........وهيي حساب العمر المثالي للفتاة من العمر المثالي للشاب والفرق المثالي بين الزوجين ......27-7=20
29-4=25
معناتو بهالحسبي العمر المثالي لزواج البنات من 20 ل25...ما بعرف هيك الحساب بقول وباينتو الحكي منطقي.......

طيب شو رأيك انت تاخد من صديقك ابو الصبر الحكم ؟ وطبعا مع حق الفلترة للشي يلي ما بيعجبك

المدى المقبول للعمر بين البنت والشب " طبعا كلامي هلأ وليس بالمراحل العمرية السابقة " هوي من 5 سنين ل 9 سنين .... وبيحكم هالشي عقل البنت وتصرفاتا وكتير امور .... حتى الشكلية ممكن ...
في بنات مثلا عمرن 25 بس عقلن عقل بنت الـ 17
في بنات عمرن اقل بس عقلن بيعطي على اكبر ....
في بنات عمرن كبير وشكلن بيعطي على صغيرة ... وفي بنات عمرن صغير كتير بس حجما عائلي بيعطي على بنت بأواسط العشرينيات
بس الحد الاقصى برأيي الـ 9 الى 10 سنين ... اما الحد الادنى برأيي الـ 4 سنين ويزداد الحد الادنى او ينقص مع تقدم الشب بالعمر
مثلا لاحظ انتي انو العامل المشترك لحكيي بالمشاركة السابقة عن عمر البنت حسب المراحل العمرية يلي مريت فيها هوي انو تكون البنت كحد أقصى بعمر 22 الى 23 ... هاي بالنسبة الي
في ناس بتحب اكتر من هيك وفي ناس بتحب اقل
بنت عمتي مثلا اتزوجت بعمر الـ 32 ... وبنفس الوقت في بنات بيتزوجو بعمر الـ 17
اما عن العمر المناسب للشب ليخطب برأيي انو ما يوصل للتلاتين وماعدا زلك مقبول ...

أبو الهمايم, 02 August 2010 - 12:02 AM, :

بالنسبة للشب المغترب ....كيف بدو يرتب أولوياتو للبنت يلي ناوي يخطبا من ناحية العمر والعلم .......وللأسف هذين الشرطين متعارضين تماما ..... بالنسبة للمغترب لإن الفتاة التي سترتبط به ستسافر وتتغرب معه ..........فإذا كان بدو وحدي متعلمي مشان وعيا وطريقة تفكيرون تكون متقاربة ويفهمو ع بعض ومن هالقصص .....بدو يستغني عن شرط العمر وبالذات إذا كان الشاب صغير بالعمر ولم يصل لحيطان التلاتين ...وإذا كان بهمو يكون في فارق بالعمر .....بدو يستغني عن التعليم ...أو بدو يخليا تترك الجامعة ...ودبرا إذا بتتدبر .....وحلا غذا بتنحل ..:.

ممممممم سؤال عميق وجوابو بصراحة معقد .... على كل حال انا وقت بكون في بنت محققة كل شي ببالي ساعتا بعمل اي شي بقدر عليه لحتى ارتبط فيها ... يعني الشروط يلي زكرتا اب دريد ممكن ساعتا اني لاقيلا حلول ... وممكن ما يلتقى ساعتا بتكون الامور معقدة اكتر ومندخل بدوّامة المجهول ... يستر عليك حاسس حالي ببرنامج فوكس عالقناة التاني

[زهرة البنفسج]

اقتباس

كلمة اخيرة لزهرة البنفسج : انت قلتي الانسان ما لازم يتشرط وانو اذا تمنى لازم يضل هالشي بقلبه بس في امور ما فيكي ما تشترطي عليها يعني بتكون اساسية متلك متل الشب ليش الشباب ما بيشترطوا على بدي اياها هيك وما بدي هيك ونحنا كمان النا شروط ...ومع هيك الواحد بيتمنى بس بالاخير يلي الله كاتبه بدو يصير ..

يا مافي بنات من حواليي كانو ما بدون يتغربو وبالاخير مصيرون كان للغربة ...وهي يلي بدا اياه دارس وبالاخير اخدته مو دارس وعايشين مع بعض وعين الله عليهم ومبسوطين ...

قلت انو الطرفين ما يتشرطو ... ما بس البنت

هالأمور تنترك لرب العالمين أحسن ... بشكل عام ما بحب فكر بهالأمور .... هي أشياء حلاوتها تبقى بالقلب وبس

بس السؤال عن الشب الخاطب او البنت ... وفئسو ( كأنو شي أكلة بيض بلحمة ) سؤال بحز بالنفس خاصة للبنت لانها بتنظلم كتير أكتر من الشب بعشر مرات بس في الها ربها ما بينسها

مجتمعنا( ببعض تقاليدو وأفكارو ) بشكل عام ظالم للبنت مع انو الاسلام بري من هالأمور الرسول صلى الله عليه وسلم أكبر مثال إلنا

اخي أبو الهمايم ... ليش عم تعقد الأمور كتير لو سلمتها لله ما أفضل ؟

ولفتة صغيرة صدقا لو كان عندك أخت بظن كان اتغير رأيك بالموضوع كلل

كستنا حسابك بعدين

[الي الشرف اني حمصية]

شو طلع معكون آخر الشي ؟؟؟يعني حطولنا الملخص مشان نستفيد

[ابو الصبر]

ولا شي ....اذا اجتمعو 2 عرب بيطلعو ب 3 وجهات نظر