[طويل الشوق]

إعفاء مدير المشفى الوطني بحمص من مهامه
حمص ..
تتالى فصول مسلسل الإعفاءات للمدراء في محافظة حمص وجديدها صدور قرار من المهندس محمد ناجي عطري رئيس مجلس الوزراء صباح اليوم بإعفاء الدكتور كامل جركس من منصبه كمدير للمشفى الوطني في حمص ، وتعيين الدكتور غسان طنوس مديراً للمشفى بالتكليف.
وتسري شائعات في أروقة مديرية الصحة بأن القرار جاء بناء على اقتراح من الدكتور ملهم الملوحي المدير الجديد لصحة حمص ، في إكمال التغيرات التي طالت المفاصل الإدارية في المشفى الوطني ، حيث سبق أن قام مدير الصحة بتغير المدير الإداري في المشفى ورئيس التمريض العام .
وفيما تم توقيف ثلاثة من أصحاب المناصب الإدارية السابقة في المشفى الوطني لدى إحدى الجهات المختصة بتهم مختلفة تتعلق بوظائفهم ، يتداول العاملون في المشفى أحاديث عن عزل لكل المحسوبين على المدير السابق للصحة بإبعادهم عن مناصبهم بل وفتح ملفات جرى السكوت عليها في عهد المدير السابق.

انتهى

اضافة على الهامش من عندي الشباب الثلاثة الموقوفين لاسباب تتعلق بمظاهر تدين والتزام وليس كما اورد الخبر
وللاطلاع الموضوع السابق او موقع حقوق الانسان

[المحترم]

والله عندما قرات الخبر فكرت انو صار في عنا استجابات سريعة وكان الاعفاء نتيجة حادثة الانتحار التي جرت البارحة ...

[أبو الهمايم]

هلق الملوحي صار مدير جديد للصحة ...........
يا أخي والله العظيم معظم الدكاترة ولا أقول كلهم ...يعني إلا من رحم ربي .....صايرين جزارين ...وما براعو الله بهالمعترين .......وع قص برقاب هالعباد ........وللأسف يلي نازلين نجر هني كام اسم بالبلد ... .......

[طويل الشوق]

اخي ابو الهمايم كلامك صحيح عن الدكاترة بشكل عام لكن اذا بدك تكون ادق اللي بيشتغلو بالدولة
يعني بالمشفى والمستوصفات
هي باب تجارة وسمسرة لابعد مما تتصور
المشكلة انو الناس الطيبين من الصعب تعيش بهيك مجتمع بصير معها مرض نفسي
وقت بتلاقي الدكاترة والتمريض عم يتاجرو ويسمسروا ويشتغلو بلا ضمير بس المهم العوائد المادية
وقت بتلاقي انو ما طالع بإيدك شي
وقت بتتدخل بتلاقي انو الحق عليك
فما بتلاقي نفسك الا هربان
و كل الناس الطيبين بيهربوا فتبقى المشفى للمرتزقة و هذه نسخة مصغرة عن المجتمع

[أبو عزت]

من زمان هيك قرار لازم يطلع
انا بعرفو لكامل جركس من زمان و هو للاسف على أيامه فلت المشفى على الاخر
اما بالنسبة للموقوفين فالموضوع ما لو علاقة بالدين الموضوع فساد و رشاوي و قضايا اخلاقية
قولو يا لطيف

[3loosh]

يا لطيف

[طويل الشوق]

اخي ابو عزت الامر انا تأكدت منه شخصيا
والشباب الثلاثة صارو بفرع الامن الجنائي
والتهمة المتبقية سوء الاداء الوظيفي
وتأخر خروجهم لشدة التعذيب الذي تعرضوا له
والشغلة انطبخت من فترة

[ABU-3ALI]

الله يلطف فينا و بأهالينا
أخي أبو عزت على الانسان التروي و حفظ لسانه قبل اطلاق العنان له لاتهام أعراض الناس
الظلم ظلمات و أجزم لك أن من بين الموقوفين من ظلم ظلما شديدا و نكل به لغايات خاصة
نجانا الله و إياك من الظلم و البهتان

[أبو عزت]

اخي ابو الشوق انا ابن المشفى و بعرف الشباب من اكتر من 10 سنين
المشكلة هي بالمازوت و رشاوي و غير ذلك و اعترفو باسماء من كانو يغطون عليهم
و الله اعلم بالحقيقة

[طويل الشوق]

اخي ابو عزت اخو اختو اللي ما بيعترف
يعني الشباب اللي شحطوهن للتحقيق ما خلوهم يحكو كلمة قالو لهم
اذا بدكم تحكو منيح عنهم بدنا نزتكم معاهم
وعلى فكرة
في من الشهود مين راح على الامن الجنائي و حلف يمين مشان يعدل اقواله وان
ما قاله هناك قاله تحت الضغط
ويا اخي ما سألت ليش هلق انفتحت السيرة
وليش صارت اي تهمة بيمشي الحالها
طيب انت يا طيب ابن المشفى فينك تقول لي مين وراء كشف عمليه الفساد الفظيعه هذه
انا بعطيك اسماء بس مشان قوانين المنتدى ما رح حطهم
وبحب ضيف احدى المدعيات كانت موقوفه وبالسجن هذه تقبل شهادتها ومن غير طائفة لا تزعل

[ماني ملاك]

وليش كتير زعلان عليون ياطويل الشوق يعني بيكفي الرشوة لحتى نقول لعنهم الله ولا صارت الرشوة بايامنا شغلة كتير عادية بهيك حالة صارت الشغلة خلل وجداني كبير الله يرحمنا ويستر على اهالينا وينتقم من كل متجبر

[طويل الشوق]

اقتباس

وليش كتير زعلان عليون ياطويل الشوق يعني بيكفي الرشوة

اولا هاي الرشوة متل الدعارة متل المازوت كلها تهم بس مشان ياخدو محلاتهم
اكيد لو ثابت على اي واحد منهم اي تهمة ما كنت زعلت بس الظلم ظلمات
وقت بحس الواحد انو حقو تقرير من شي تافه او تافهه لينحرم من اهله وولاده وما حدا عم يدافع عنو
اكيد الوضع بزعل
وقت بلاقي الحيتان الكبيرة عم ترتشى وتسرق وتظلم ونحن عم نشتغل ببعضنا اكيد الوضع بزعل
فيا اخت ماني ملاك تخيلي احد اقربائك مكان احدهم بس لانو ما عم يخليهم يسرقو قامو بهدلوه
شو كان موقفك
على فكرة الشباب الثلاثة لا اعرفهم معرفة شخصية لكن اعرفهم من خلال اصدقائهم ومن خلال العمل

[ABU-3ALI]

شيء مضحك جدا
ان يتهم ممرض بتوظيف ثلاثين موظف لغايات شخصية و طائفية
طبعا الثلاثون موظف بينهم أطباء و تمريض و عمال
الشيء المضحك هل فعلا من صلاحيات الممرض توظيف طبيب أو أي عامل
أم من صلاحيات الوزارة و مجلس الوزراء
اذا هذه تهمة باطلة لا تنطلي على أحد
كذلك أن يتهم ممرض بموضوع المازوت فهذه قمة الافتراء و قمة المهزلة
لأنها ليست من نطاق عمله اطلاقا بل لها مديرية خاصة و عقود خاصة و لجنة خاصة

أما تهمة الطائفية و المذهبية فهذه نكتة لا أكثر

[أبو عزت]

الي بيعرف بيعرف و الي ما بيعرف بيقول كف عدس
روح على المشفى و اسأل عن السمعة التي يحملها الموقوفون

[ABU-3ALI]

شوف اخي
لو ما نعرف بعض الناس ما كنا حكينا
و طبعا انا اعمل ضمن القطاع الصحي
و انت قاعد على بعد الاف الكيلو مترات و ترمي الناس بتهم ما انزل الله بها من سلطان
انا قلت ما يجب علي شهادته امام الله
و خاصة في ظل نقلك لاشاعات و ترويجات انت بعيد عنها
اعراض الناس ليست لعبة
فقد تكون انت او اهلك يوما مكان هذا الرجل و ستجد الكثير ممن ينتهج موقف الامعة و يتهمك و يطعن فيك و بعرضك و شرفك و هو لا يعرفك لا من قريب و لا من بعيد و لم يتجاوز علمه سوى حديث ساذج من شخص ما
فتكلم بعلم أو اصمت بحلم

[أبو عزت]

ABU-3ALI, 02 August 2010 - 11:59 PM, :

شوف اخي
لو ما نعرف بعض الناس ما كنا حكينا
و طبعا انا اعمل ضمن القطاع الصحي
و انت قاعد على بعد الاف الكيلو مترات و ترمي الناس بتهم ما انزل الله بها من سلطان
انا قلت ما يجب علي شهادته امام الله
و خاصة في ظل نقلك لاشاعات و ترويجات انت بعيد عنها
اعراض الناس ليست لعبة
فقد تكون انت او اهلك يوما مكان هذا الرجل و ستجد الكثير ممن ينتهج موقف الامعة و يتهمك و يطعن فيك و بعرضك و شرفك و هو لا يعرفك لا من قريب و لا من بعيد و لم يتجاوز علمه سوى حديث ساذج من شخص ما
فتكلم بعلم أو اصمت بحلم

صحيح انا على بعد الاف الكيلومترات بس كلامي من لسان الناس من المشفى بنفسه
انا ما رميت الناس بعرضهم
بما انك من الوسط الصحي ما بعرف انا بالضبط وين عملك بالسخنة و لا بمركز عز الدين بس برأي روح على الوطني و اسال عن الفلتان الاداري الموجود بين عناصر التمريض و سمعة رؤساء التمريض
وقت مسكوهم للتمريض التلاثة انا كنت بحمص
و بعدها ليش مسكو امين المستودع
ان شاء الله انا و اهلي ما بنكون بيهيك موقف
انت ما بعرف كيف بدي فسر ردك على كلامي بس انا ما رايح رد على كلامك غير بالي بعرفو

[ماني ملاك]

انا ياأخواني أعمل في المشفى الوطني ولافخر ولكنني أقول هذا كي لاأتهم بعدم المعرفة
كم من مرة أعيد ممرض أو فني إلى عمله وكم من مرة انتقل ممرض من مكان عمله والجميع كان الحل عندهم بيد(م.س.ع)
لاأريد أن أتحدث بالتفاصيل ولكن كان الجميع يعرفون طريقة ما لحل مشكلاتهم طبعا الرشوة أحد الطرق بالمناسبة شؤون الممرضين هي من اختصاصه ولاعلاقة له بالأطباء فلم يكن ليحق له التدخل بشؤونهم
السرقات تعودنا عليها وهي ان كانت موجودة فلا يعني ابدا اننا نتهم شخصا بعينه
السمعة السيئة للمشفى كلنا مسؤولون عنها فيجب علينا ان نغير مانستطيع ولو بقلوبنا وهو أضعف الإيمان
لاداعي للتفكير بشكل طائفي فالمذنب يجب أن يعاقب ويرتدع أيا كان وأبعدنا الله عن الظلم كثيره وقليله وفرج الله كرب كل مظلوم ولاجعلنا الله من موقظي الفتن

[الدغري]

جاري الإستفسار عن الموضوع بالتفاصيل

[طويل الشوق]

اخي ابو عزت انا مستغرب من الهجوم الشرس على هؤلاء
اولا اخي اني لست فقط ضمن القطاع الطبي بل وضمن المشفى الوطني وبعرف كتير من مشاكله وخفاياه و للاسف ما اعرفه قليل بالمقارنة مع
ما هو موجود
لكن اولا الموضوع الطائفي هو الحاضر دوما والا ما كان الثلاثة الموقوفين مسلمين و الثلاثة الوراء المشكلة من طائفه اخرى
ثانيا الم تسأل ليش اوقفوا بالامن السياسي وليس بالجنائية او الرقابة والتفتيش او الرقابة الداخلية
ثالثا انو ياخدوا رشاوي مشان ينقلوا ناس او يرجعوا ناس فهذا كلام باطل مردود عليه والا لما انتخبو مثلا رئيس التمريض العام مرة اخرى رئيسا للجنة النقابية
يعني واحد مبتز مثلا ومرتشي وفينك تشيلو بالقانون ما بتشيلو
طيب ليش نشر موقع حقوق الانسان الخبر اذا بالاصل موضوع فساد لو ما شايف فيه طائفيه وظلم
ويا اخت ماني ملاك انت بتعرفي انو نقل حدا بدو توقيع مدير المشفى فمن وين لوين دخل الباقين
يعني بفرض واحد الو دخل بيطلع الثلاثة مرتشين وحرامية مازوت
غريب امركم
واتحدى الاخت ماني ملاك صحي كان م س ع بيطلع بأيدو بس الزلمي من باب الخدمة ولذلك كتبو التقارير فيه واقول مرة اخرى اتحدى انو حدا مسلم
يقول انا عطيت لفلان رشوة
اتق الله في اشياء الناس تقولها
على فكرة ممن لفقو الامر ممرضة بالعصبية اوقفت من فترة في مخفر الشماس وكان ل م س ع دور هام في اخراجها
هيك الناس
بتعض الايد اللي بتطعميها

[أبو عزت]

السلام على جميع من شارك بالموضوع
الموضوع صار فيه جدل و هو لا يستاهل كل هذا الشيء
بالنسبة لي انا لن ارد بعد الان على اي شيء يكتب بالموضوع ليس لعجزي و لكن مخافة الاساءة لي اولا و لاعضاء المنتدى ثانيا بالردود
و الايام سوف تكشف الحقائق

[أبـــ عمـــار ـــو]

من المعروف إنو أهل حمص مشهورين كتير بالجق واللوص..

ومن المعروف كذلك إنو بيعملو من الحبة قبة..

ومن المعروف أيضاً إنو الشائعات تنتقل في حمص بسرعة أكبر من سرعة الضوء مع الازدياد في الحجم والكتلة..

لذلك نصيحة أخوية.. لا أحد يتكلم بدون علم بحقيقة ما جرى وليس نقلاً عن فلان الذي نقل عن فلان الذي بدوره نقل عن فلانة... إلى آخر السلسة..

وأذكر نفسي وإياكم بهذا الموضوع فإن الذكرى تنفع المؤمنين..

http://www.homslife....showtopic=24901

[أبو طاهر]

السلام عليكم ورحمة الله وبركاته
الأخ المكرم ابو عزت :
ليس من الصواب أن تناقض نفسك وتقول أنك على علم من الموضوع وأنك من القطاع الصحي ومن ثم تقول أنك خلال فترة توقيفهم كنت في حمص
وهل مجرد وجودك في حمص يكفي للإدلاء بإساءتك للأشخاص
أنا لا أدافع عنهم إنما لي علاقة مع قاضي لتحقيق الذي يحقق معهم (وهل تعلم أن 25 من الشهود أنكروا شهادتهم أمام القضاء وقالوا أنها انتزعت انتزاعا )
أرجو منك التروي والصبر وعدم البهتان (وكفى بالمرء كذباً ان يحدث بكل ماسمع )

[طويل الشوق]

قيل لاحد الشهود اذا بتحكي كلمة منيحة عنهم بنزتك معاهم

[ماني ملاك]

هل من الممكن تحت التهديد ان يقدم احدنا شهادة زور
جميعنا نعرف ان الضغط يجب ان لايثبط عزيمة المؤمن ولايمنعه من قول الحق ولو كلفه ذلك العناء

[طويل الشوق]

انك تخلطين بين الواقع والمثالية
يعني هدول اللي راحو غيرو اقوالهم وقالو انو تحت الضغط برأيك انضغط عليهم برا ولا جوا
يعني مانهم مجبورين يروحو مشان يبرو الزلمي اذا ما بيعرفو تماما انو بريء

[ABU-3ALI]

اليوم امر القاضي باخراج الموقوفين بعد زوال الاسباب الداعية لتوقيفهم و بطلان اغلب الاتهامات و ستبقى قضية الأداء الوظيفي مفتوحة مع توقعات بتوسع التحقيق ليشمل الوشاة أيضا

[طويل الشوق]

هاي مشكلتنا انو بعد هل العذاب طلعوا براءة
يا زلمي ما عندهم ولاد وعيلة
سيدي
الحمد لله انو مضيت