دخول
التسجيل
مساعدة
بسم الله الرحمن الرحيم
من فترة عشرين يوم كنا برحلة لإيطاليا لمدة أسبوع..كانت الرحلة حلوة
بس التوقيت غير مناسب لأنو ما كنا بنعرف إنو الجو بيكون شوب كتييييير كتييير ورطوبة عالية جدا
بقا اللي حابب يروح لإيطاليا لا يروح بشهر 7 أبدا..أبدا..نصيحة
المدن اللي زرناها هي:فينيسيا , روما , الفاتيكان ,بيزا , فلورنسا
بترككن مع الصور وبتمنى تعجبكن
....مدينة البندقية
وهي الصورة بجزيرة مورانو ..هي الجزيرة مشهورة بصناعة الزجاج..ولا ينصح باصطحاب النسوان إلى هي الجزيرة أبدا
..حرصا على الميزانية العامةعم امزح
..بس فيها تحف بتجنن للصمد والاسعار غالية نوعا ما
و الشخص اللي لابس كنزة مخططة هو الشوفير للجندول اللي ركبنا فيه
...
أكتر الشي انبسطت فيه بإيطاليا هو الركبة بالجندول
,,كتيير حلوة,,بس كل شوي الزلمة اللي عما بيجدف بيعطينا ملاحظات ..اول ما ركبنا قمت لاتفتل شوي
اجا قلي ..لا..لا
..طلع عم يزبط التوازن
..حتى بيطلب منك إنو كل شوي تغير مكانك مشان الموضوع هاد..بس والله معلم
و أحلى شي وقت الشوفيرية بيشوفوا بعضن هنن وعم يجدفوا
...بصيروا متل شوفيرية السرافيس وقت بيلتقوا عند إشارات المرور
مدينة روما..مدرج الكولسيوم..الصورة من باص hop on,hop off(الهوب هوب
)
وهي الصورة من داخل الكولسيوم
وهي الصورة عن قرب أكتر
لسا في صور كمان ..راح تابع بإذن الله ..وبتمنى تعجبكن
..على فكرة في صور أحلى منهن بس للأسف يا نحن طالعين فيهن ,,,يا وحدة مبينة
انتظرونا...
اقتباس متعدد
شو إلهن بهالطلعة هي كلياتها
...كلك زوق بائعة...نورتي الموضوع
وما خفتي يوقع 
