[admin]

السلام عليكم

تم بحمد الله إضافة هذا القسم الجديد في المنتدى والذي يحتوي على أهم المواضيع المتميزة التي شهدها منتدانا الغالي

تم اختيار المواضيع على أساس أهميتها وفائدتها ومستوى النقاشات التي شهدتها منذ لادة المنتدى وبناء على ترشيحات سابقة لهذه المواضيع كان الأعضاء قد قدموها
وتم نقل المواضيع من أقسامها الرئيسية إلى هذا القسم مع الإبقاء على روابطها في أقسامها الأصلية

ننصح الأخوة الأعضاء بتصفح القسم بشكل دائم ونرجو ممن يريد ترشيح مواضيع أخرى غابت عن ذهننا إرسال رسالة خاصة إلى الآدمن تحتوي اسم الموضوع ورابطه كي تتم دراسة نقله إلى هذا القسم

إننا كإدارة لمنتدى حمص لايف نرجو من خلال هذه الخطوة أن نقدم لكم كل ما هو مفيد ومميز
ولا ننسى أن هذه المواضيع وهذا المنتدى ككل قائم على نشاطكم وتميزكم

مع تمنياتنا لكم بالفائدة ودوام الصحة والعافية

إدارة منتدى حمص لايف

[ضوء القمر]

الله يعطيكم العافية يا ادارة بس شايف أنو في عدد كبير من المواضيع انظلمت

[admin]

أهلا بك أخي الكريم
أردنا من خلال هذه الخطوة اختيار الصفوة من المواضيع في المنتدى
وإلا إذا كنا سنضيف جميع المواضيع هنا فهذا سيعني إلغاء باقي الأقسام جميعها

على كل حال وكما ذكرت في الموضوع ، نرجو ممن يرغب بترشيح أحد المواضيع الأخرى مراسلتي باسم الموضوع ورابطه كي تدرس الإدارة إضافته إلى القسم

حيث لا يستطيع الأعضاء إنشاء مواضيع ضمن هذا القسم

وشكرا لك

[أبو نجيب]

السلام عليكــم ورحمـة الله وبركاتــة ،،

الأخ الأدمن

أنت متل ما ذكرت انه

" وتم نقل المواضيع من أقسامها الرئيسية إلى هذا القسم مع الإبقاء على روابطها في أقسامها الأصلية "



كان عندي موضوع مثبت ضمن قسم لغات البرمجة تحت عنوان

Virtual Programming Company

حاليا تم حذفه يعني لم يتم إبقاء الرابط ضمن قسم لغات البرمجة

حيث ظهر ضمن المواضيع الممية غير مثبت علما انه كان مثبت ضمن قسم لغات البرمجة

يرجى بيان السبب وشكرا

تحياتي ...

[ابن القصور]

الله يعطيكي العافيه يا اداره اي ها اي والله من زمان كان لازم يعنمل هذا القسم لأن في مواضيع كتيييييييييييير حلوه وهي فعلا مميزه عم تروح هك
شكار مرة تاني على جهودكن وتحياتي

[ميس الريم]

كأنه المواضيع المثبتة مالها داعي بها القسم لأنها أصلا مثبتة لتميزها في قسمها
ولا حظت عدم وجود أي موضوع من المواضيع الأدبية للمتميزين...فقط مواضيع الحوار والنقاش

[الـــدومــري]

السلام عليكم

الله يعطيكم العافي يا ادارة الفكرة حلوة بس تطبيقها مانو ناجح أبدا

المواضيع يللي كانت مثبتة بأقسامها وقت عمتنقلوها عميلتغى تثبيتها بقسمها الأساسي

أكبر مثال موضوع يوميات بسيطة طول عمرها العالم وقت بدها تفتحوا حافظتو بكلام شباب عالغميض وموضوع الخطبة الحمصية الشهير بقسم حاجي عاد وموضوعي تبع الكاسبر كان بقسم البرامج صار هون وطار تثبتو من هنيك

وحتى لو ضل رابط هنيك بس صار متلو متل غيرو بيطلعوا كم موضوع بيرجعوه لورا

انا بفضل يضل كل موضوع بقسمو يللي كان موجود فيه وما بدياه يصير مميز ولا شي

[أبو يزن]

أخواني جماعة الادارة الله يعطيكون العافي
بس لك أخي مانكن شايفين أنو ضاع تميز هالمواضيع هاي بنقلا لقسم واحد
لقلكون ليش
مثال :
موضوع الاخ الدومري تبع الكاسبر سكاي مثبت ومعروف انو من طول عمرو بقسم البرامج أول موضوع
أو حتى موضوعي تبع الخطبة على الطريقة الحمصية موجود على طول بأول صفحة من قسم حاجي عاد
لو شي عضو من الأعضاء اللي دخولو عالمنتدى متقطع وفات ولقى معظم هالمواضيع مختفية فرح يتسائل وين طارت هالمواضيع
لك حتى موضوع يوميات بسيطة كان الواحد يدخل على كلام شباب يلاقيه هلأ ما رح يلاقيه لأنو انتقل
طب شو رح يعرفو انو انتقل ؟؟
حتى في عالم بتدخل وهيي مانا من أعضاء المنتدى بس بتدخل لتتابع أحيانا بعض المواضيع بأقسامها
هلأ ما رح يلاقو شي
يعني بصراحة وبدون زعل أخواتي
مازابطة هالفكرة منوب وما حبيتا
هالقسم رح يحرق المواضيع ما رح يميزها
لشبهلكون الشغلة ببستان في بكل ركن فيه شجرة مثمرة وجميلة
منجي منشلع هالشجرات المثمرات ومنزرعون كلون بجهة وحدة ومنترك باقي البستان
بيجي واحد بيقول لك كان في هون شجرة حلوة وين طارت وهنيك كان في شجرة بتجنن وهنيك كان في شجرة عالية ؟؟
بيقولولو والله نقلناهون لقسم الشجر المثمر هنيك بالقرنة بالزاوية آخر شي
اي ما واردة منوب
يعني عالأقل اذا رح تطبقوا هالفكرة فياريت تخلو المواضيع المميزة هاي بأقسامها ومثبتة متل ما كانت وتفتحوا قسم المواضيع المميزة وتحطو الروابط فقط
هيك بتكون نجحت فكرتكون
أما بهالطريقة فاسمحولي قلكن أنو هالشي ما بيصير
عكل هاي وجهة نظري وبتمنى تتقبلوها
وتنظرو بعين الاعتبار لحل هالقضية لأنو في مواضيع كتير رح تنظلم وتنتسى

[Akheles]

ستأخذ الادارة بعين الاعتبار كل ما طرحتموه من آراء ان شاء الله.

[أبو حمزي]

هلأ المواضيغ الشغالة متل يوميات بسيطة ورسائل فورية وموضوع الكاسبر ما ضروري تنتقل من مكانها أما غيرها فبينتقل مع اكتمال الردود ... يعني مسلن أنا حطيت موضوع من تأليفي وطلع مميز (يا أخي مسلن .. على فرض .. هوي مستحيل ) .. بينترك الموضوع يومين تلاتة لحتى اللي بدو يرد ع الموضوع يرد بعدين بينتقل على قسم التميّز .. وما في ضرورة يكون في شي مثبت بقسم التميّز ....

[admin]

شكرا لكم جميعا على ملاحظاتكم المفيدة
وستتم معالجتها سريعا بإذن الله

[الـــدومــري]

الحل الأنسب أنو ترجع كل المواضيع لأماكنها الأصلية وينفتح موضوع مثبت بكل قسم باسم الادارة بعنوان ( ارشيف المواضيع المميزة في هذا القسم ) وتنحط فيه الروابط فقط

هاي الطريقة هي الي متبعة بجميع المنتديات

[admin]

السلام عليكم

تم معالجة الملاحظات وتنسيق القسم
شكرا لملاحظاتكم مرة أخرى ونرجو من الجمييع ألا يبخلوا علينا بملاحظاتهم ونصائحهم

[ياسمينة حمصية]

شكرا لاختياركم لموضوع من مواضيعي.
(وبناء على ترشيحات سابقة لهذه المواضيع كان الأعضاء قد قدموها) و لكن متى تم ترشيح المواضيع؟

و اقتراح : أن تضعوا القسم الذي كان به الموضوع.

شكرا لكم.

[أبو يزن]

ظني ما بيخيب فيكون
الله يعطيكون العافي يا رب

[أبو نجيب]

شكرا والله يعطيكم العافية
وهذا بيدل على سعة صدر إدارة المنتدى

[الـــدومــري]

يعني كل ما بدكم تحطوا موضوع هون يتنقلوه شوي من قسمو الأصلي لهون بعدين بترجعوه لقسمه الأصلي مشان يضل الرابط هون

مافي شي حل تاني ؟؟؟

[ياسمينة حمصية]

طيب أنا لدي اقتراح . .
لماذا لا تفتحوا موضوع مثلما فتحتم موضوع للأعضاء المميزين. يعني موضوع للمواضيع المميزة و كل شهر تضيفوا المواضيع المميزة الجديدة بحيث يكون هناك اسم الموضوع و كاتب الموضوع و رابط يأخذك للموضوع. هكذا يكون كل موضوع في مكانه.
اقتراح أتمنى أن يعجبكم.
شكرا لكم.

[admin]

أخي الدومري شكرا جزيلا على حرصك على راحتنا .. ولا داعي لقلقك علينا بهذا الشكل

[الـــدومــري]

ياسمينة حمصية, Apr 11 2008, 11:36 AM, :

طيب أنا لدي اقتراح . .
لماذا لا تفتحوا موضوع مثلما فتحتم موضوع للأعضاء المميزين. يعني موضوع للمواضيع المميزة و كل شهر تضيفوا المواضيع المميزة الجديدة بحيث يكون هناك اسم الموضوع و كاتب الموضوع و رابط يأخذك للموضوع. هكذا يكون كل موضوع في مكانه.
اقتراح أتمنى أن يعجبكم.
شكرا لكم.

كلام سليم تماماً وهادا أفضل حل ويا ريت الادارة تاخد بهالاقتراح فعلاً

ينفتح موضوع مثبت بكل قسم بيحوي روابط المواضيع المميزة مع اسماء الكتاب ويتم تحديث الموضوع بشكل دوري

أما هيك كلو فايت ببعضو ما كثير زابط الوضع بصراحة

[أبو حمزي]

في موضوع أسود الإسلام
http://www.homslife....showtopic=17489
بقترح إضافتو إذا ما عندكوش مانع

[ابو الصبر]

لاء أبو حمزي ....

شكرا ادارة لأنو منتبهين انا برأيي انو كرسي الاعتراف أهم

وبتمنى انو ما تضيفوه عالمواضيع المميزة وإلا بدي اضطر اني ما حط فيه ولا مشاركة جديدة

[أبو حمزي]

لا يا أخي ما بصير واجبنا هاد ..


ضيفوه شباب ..

[ابو الصبر]

ابو حمزي الشغلة مبدأ

بجوز الشغلة إلها علاقة بصاحب الموضوع

بعيد انو اذا انضاف بدي بطل شارك فيه ....خليه يموت

[أبو حمزي]

يموتو عدوّينك .. ما بعرف تفاهمو ... بس خبروني شو بصير معكن

[Akheles]

اقتباس

ننصح الأخوة الأعضاء بتصفح القسم بشكل دائم ونرجو ممن يريد ترشيح مواضيع أخرى غابت عن ذهننا إرسال رسالة خاصة إلى الآدمن تحتوي اسم الموضوع ورابطه كي تتم دراسة نقله إلى هذا القسم

أخي أبو الصبر السلام عليكم و رحمة الله و بركاته أرجو منك أخي الكريم أن تحسن الظن بنا فنحن اخوة في الله أولا و أخيرا و كلام الأخ الأدمين كان واضحا جدا ولا لبس فيه و الادارة على مسافة واحدة من جميع الأعضاء ولنا منك رجاء حار أن تعمل على اعادة تنشيط الموضوع بعد اضافته الى هذا القسم.

[ام زياد]

شوي شوي بس نشوف بعد فترة ممكن تنجح الفكرة ام لا
ام زياد

[أسيرة الدموع]

مافي قسم العاب مفروض سون قسم لاحق العاب غريبه المنتدى مافي العاب ولا تسليه
ممكن ولا؟
مشكورين
يعطيك الف عافيه

[SILENT]

هلأ هادا القسم انتهى دوره و لا شو
كأنو الادارة ما عاد اهتمت فيه ؟!

[أبورعد]

اي صحي مظبوط كلامك أخي سايلنت

[الدغري]

مرة ورا مرة
عم يثبت هالمنتدى روعته
الله يعطيكم العاقية